UGJ, viti akademik nis të hënën
Pavarësisht paralajmërimit për shtyrje të fillimit të vitit të ri akademik, Universiteti i Gjakovës “Fehmi Agani” do ta nis atë të hënën.
Rektori i këtij universiteti, Shaban Buza, njoftoi se të tre fakultetet kanë arritur të bëhen gati për datën 2 tetor.
Edhe pranimi solemn për studentët e vitit të parë bëhet të hënën në ora 10:00, nëpër fakultetet ku janë pranuar.
Ditë më parë, u raportua se viti i ri akademik 2017/2018 do të nisë më vonesë për shkak të mos plotësimit të stafit akademik./radiogjakova/