Policia, falë kamerave në objektet përreth dhe dëshmitarëve, ka arritur të identifikojë personin përgjegjës që dëmtoi ekranin në Parkun Kulturor “Ali Podrimja”.

I njëjti ka pranuar se ka kryer veprën, ndërsa tani ndaj tij do të ndiqen procedurat e ardhshme ligjore.

Ndërkohë, organizatorët kanë njoftuar se kanë arritur të riparojnë dëmin e shkaktuar natë më parë dhe të martën prej orës 21:00 do të shfaqet filmi “Fire at Sea” që flet për jetën në ishullin italian të Lampedusas, një vijë frontale e krizës së emigrantëve në Europë.

I njëjti film ishte fitues i Festivalit të Filmit të Berlinit, si dhe kandidat për çmimet “Oscar 2016”./radiogjakova/