Të hënën pasdite nisën punimet për asfaltimin e rrugës në fshatin Guskë e gjatë 1.7 kilometra. Në inaugurimin e punimeve ishte edhe kryetari i Komunës, Ardian Gjini, drejtori i Shërbimeve Publike, Shkumbin Kastrati dhe zyrtarë të tjerë.

Kostoja e asfaltimit të kësaj rrugë është 130 mijë euro, ndërsa është e paraparë të përfundojë për një muaj.

Kryetari Gjini tha se ky është një projekt i vogël infrastruktor, por shumë i rëndësishëm për komunitetin.

Nga Guska, Gjini paralajmëroi fillimin e të tjera projekteve infrastrukturore më të mëdha nga java e ardhshme.

Të lumtur ishin edhe banorët të cilët thanë se kjo rrugë do t’ju krijojë lehtësi, sidomos nxënësve të cilët vijojnë mësimet në shkollën e fshatit./radiogjakova/