Drejtoria komunale për Zhvillim Ekonomik, këtë vit për herë të tretë do të mbështesë ndërmarrjet mikro të vogla, pastaj të vogla dhe të mesme në komunën e Gjakovës. Lidhur me këtë, drejtoresha Silvana Domi, për Radio Gjakovën ka thënë se shuma e ndarë nga komuna për këtë qëllim në lartësi prej 70 mijë eurove si dhe vlera e mjeteve të cilën mundë ta përfitoi një biznes në lartësi prej 2 deri në 5 mijë euro, nuk krijon mundësi për hapjen e një biznesi të madh, porse është shumë e mirëseardhur për ngritjen e kapaciteteve të bizneseve, ndërkohë që ka potencuar procesin e monitorimit. Ajo ka theksuar se i gjithë procesi i ndarjes së mbështetjes për biznese në kuadër të skemës së granteve komunale, nga moment i përfitimit të grantit e deri në realizimin e objektivave të parapara, mbikëqyret nga një komision miks i formuar enkas për këtë qëllim.

Ndryshe, komuna e Gjakovës është komuna e parë në Kosovë e cila ka iniciuar dhe ka realizuar ndarjen e granteve për mbështetje të ndërmarrjeve mikro të vogla, pastaj të vogla dhe të mesme.